قصيدة ولا اروع

الشــــــايب



قلبي شباب ولزوم اني اعرس ,,, ما اريد العجوز الي تتوسد الباب



الخير واجد وانا ماني مفــلس ,,, عندي فلوس تدعم البنك في الحساب



العــــجوز



ما باقي غير خشمك وهالضرس ,,, تبغي تعرس وانت وجهك شبه الغراب



قابل صلاتك الله يشفيك من المس ,,, او ترى بملي وجهك بهـــالتراب



الشــــايب



إنتي عجوز وأكلك الروب والخس ,,, اما انا ما باكل غير تكه و كباب



ما فيني سكر غير ضغطي نازل بس ,,, دام الهوى فيني ترى كل شي طاب



العجـــوز



لا بارك الله فيك يا الشيبه يا النحس ,,, ما ينفع معاك الكلام ولا كلام العتاب



قصر لي صوتك ما ابي اسمع ولا حس ,,, عطني طلاقي وانقلع واقبض الباب



الشــــايب



دومك نحيسه وذا لسانك يريد قص ,,, ربي ترى حلل لي اربع بالكتاب



هــذا خميس الاعمى جارنا كم وحده اعرس ,,, مرتاح في الدنيا بلى هم واعصاب



العجـــــوز



بطران وراسك كالصخر يابس وعص ,,, مالوم طبعك يوم ربعك هالكلاب



صاير زي الاريل ودومك اتحيس ,,, استح على وجهك أصلع ولعاب



الشــــايب



فكيني من وجهك ترى مالي أي نفس ,,, زهقان من شوفتك وابغي لي أحباب



وهاذا طلاقك و طالقة بالاربع والخمس ,,, شيلي طلاقك من ضميري بلا احساب



العجـــــوز
مشكور يالشيبه ومن دون أي دس ,,, عندي حبيب ما ابتعد لحظه وغاب



يشريك ويبيعك تراه بثمن بخس ,,, ما تسوى ظفره وهو حلو اسمر وجذاب



الشــــايب



يالله قبل لا موت منك واقتص ,,, طلعتي لي قرن وراسي بعد شاب



يا شينه البرقع ترى قدرك اختس ,,, عجوز ولك في الدنيا خلان واحباب



العجــــــوز



ترى مثلك وهذا لك في العمر درس ,,, لاني أميز بين شيبه وشباب



او نسيت اني على الموضه ألبس ,,, ما علموك اني بلا شيله وحجاب



ما هييينه هالعجوز